“Klubdan heç kim mənimlə gələcəklə bağlı danışmayıb” – Alveş

“Barselona”nın müdafiəçisi Dani Alveş kataloniyalılarla yeni müqavilə imzalamaq şanslarını dəyərləndirib.

Komanda.az “Mundo Deportivo”-ya istinadən xəbər verir ki, braziliyalı futbolçu, klubla hələ danışıqların getmədiyini söyləyib:

“Klubdan heç kim mənimlə gələcəklə bağlı danışmayıb. Hələ danışıqlar getmir. İndi təkcə gənclər deyil, həm də yaşlı futbolçular “Barselona”da oynamağa layiq olduqlarını göstərməlidirlər”.

Alveş əvvəllər də formasını geyindiyi “Barselona”ya 2021-ci ildə qayıdıb.