“Barselona” Halandı transfer edə bilməsə…

“Barselona” Dortmund “Borussiya”sından Erlinq Halandı transfer edə bilməsə, əvəzində iki futbolçu alacaq.

Komanda.az “sport.es” saytına istinadən xəbər verir ki, “Barselona” “Borussiya”nın norveçli hücumçusu Erlinq Halandı transfer etmək üçün sona qədər çalışacaq.

Katalonlar Halandın keçidində uğursuz olsa, alternativ variantlara keçəcəklər. Belə olan halda, “Barselona” “Real Sosyedad”ın hücumçusu Aleksandr İsak və “Sevilya”nın mərkəz müdafiəçisi Jül Kundeni transfer etməyə çalışacaq.