Bahar kubokunda finalçılar bəlli oldu

Azərbaycan Voleybol Federasiyasının idman zalında Novruz bayramına həsr olunan Bahar kubokuna start verilib.

Komanda.az xəbər verir ki, qadın voleybolçular arasında təşkil olunan yarışda Azərbaycan Super Liqasının iştirakçıları – “Azərreyl”, “Murov”, “Abşeron” və UNEC komandaları qüvvəsini sınayır.

Turnir “Azərreyl” – “Abşeron” matçı ilə start götürüb. Meydandan 3:1 (13:25, 25:18, 23:25, 17:25) hesablı qələbə ilə ayrılan “Abşeron” finala yüksəlib.

Digər oyunda isə “Murov” və UNEC komandaları üz-üzə gəlib. Rəqibini 3:0 (25:19, 25:15, 25:22) hesabı ilə məğlub edən “Murov” həlledici qarşılaşmada “Abşeron”a rəqib olub. “Azerreyl” və UNEC isə 3-cü yer uğrunda oyunda qarşılaşacaqlar.

Hər iki görüş martın 18-də baş tutacaq.