Bahar kubokuna start verilir

Martın 17-də Azərbaycan Voleybol Federasiyasının idman zalında Novruz bayramına həsr olunan Bahar kubokuna start veriləcək.

Komanda.az xəbər verir ki, qadın voleybolçular arasında təşkil olunacaq yarışda Super Liqanın iştirakçıları – “Azərreyl”, “Murov”, “Abşeron” və UNEC komandaları mübarizə aparacaqlar.

Kubok uğrunda oyunlar iki gün davam edəcək. Yarış “Azərreyl” – “Abşeron” matçı ilə start götürəcək. Görüş saat 14:00-da başlayacaq. Ardınca saat 16:00-da isə “Murov” UNEC-i sınağa çəkəcək.

Reqlamentə əsasən, birinci gün qalib gələn komandalar 1-ci yer uğrunda, məğlub komandalar isə 3-cü yer mübarizə aparacaq. Hər iki matç martın 18-də keçiriləcək.