Kapitan üzr istədi

“Atletiko”nun kapitanı Koke kral kubokunun yarımfinalının cavab oyununda “Atletik”ə dağıdıcı məğlubiyyəti (0:3) şərh edib.

Komanda.az “Marca”-ya istinadən xəbər verir ki, ispaniyalı futbolçu azarkeşlərdən üzr istəyib: 

“Ağır gün oldu. Oyun planımız var idi, amma buna uyğun deyildik. Azarkeşlərimizdən üzr istəyirik. Bundan sonra mübarizəni çempionatda və Çempionlar Liqasında davam etdirəcəyik”.

Yarımfinalda “Atletik” “Atletiko”nu ümumi hesabda (1:0 və 3:0) məğlub edib.

Finalda “Atletik” yarımfinalda “Real Sosyedad”ı ümumi hesabda (0:0 və 2:1) məğlub edən “Malyorka” ilə qarşılaşacaq.