“Azarkeşlərə cavab vermək çətindi” – Ayxan Abbasov

“Sumqayıt”ın baş məşqçisi Ayxan Abbasov Azərbaycan Premyer Liqasının 17-ci turu çərçivəsində “Keşlə”yə qarşı keçirdikləri oyunu şərh edib.

Komanda.az xəbər verir ki, qonaq komandanın çalışdırıcısı 1:2 hesabıyla məğlub olduqları oyundan sonra təşkil olunan mətbuat konfransında öncə bunları söyləyib:

– Bu oyunda qələbəni çox istəyirdik. Uşaqlar da yaxşı hazırlaşmışdılar. Bilirdik ki, məğlubiyyət bizi pis vəziyyətə salacaq. Rəhbərliklə görüşümüz olacaq. “Keşlə”ni təbrik edirəm.

– Rəhbərliklə nəyi müzakirə edəcəksiz?
– Ümumilikdə danışığımız olacaq.

– Komandaya legioner transferini istəyirsiz?
– Təkcə transfer məsələsi deyil. Çox məsələ var. Azarkeşlərə cavab vermək çətindi. Nəticə istəyirlər. Məsələlər çoxdu.

– Penalti epizodu haqqında nə deyə bilərsiz?
– Epizodun təkrarını izləməliyəm. Daha sonra dəqiq nəsə demək olar.

Aygül Qarayeva