Azərbaycan təmsilçisi Yunanıstan klubuna ilk oyunda məğlub oldu

Kişi voleybolçulardan ibarət “Xarı Bülbül” Çelenc kubokunda növbəti oyununu keçirib.

Komanda.az xəbər verir ki, Şuşa təmsilçisi 1/16 finalda ilk matçına çıxıb.

Ziya Rəcəbovun baş məşqçisi olduğu kollektiv Bakıda Yunanıstanın “Panatinaikos” klubu ilə üz-üzə gəlib.

Gənclər və İdman Nazirliyinin Voleybol Mərkəzində baş tutan qarşılaşma qonaqların 3:0 (25:20, 25:17, 25:20) hesablı qələbəsi ilə yekunlaşıb.

Afina təmsilçisi ilə cavab görüşü noyabrın 29-da Yunanıstanda reallaşacaq.

“Xarı Bülbül” 1/32 finalda Slovakiyanın “Spartak” komandasını hər iki görüşdə məğlub edib (3:0, 3:1).