Azərbaycan millisinin DÇ-2022-də yer alacağı səbət müəyyənləşdi

Futbol üzrə Azərbaycan millisinin 2022-ci ildə Qətərdə keçiriləcək dünya çempionatının seçmə mərhələsində yer alacağı səbət dəqiqləşib.

Komanda.az xəbər verir ki, Azərbaycan yığması seçmə mərhələdə 5-ci səbətdə yer alacaq.

Canni De Byazinin rəhbərlik etdiyi komanda bu aya qədərki göstəricilərə əsasən FİFA reytinqində 114-cü, Avropada isə 45-cidir. Bu ay isə millimiz aktivinə 4,5 xal yazdırmağı bacarıb. Bundan sonrakı nəticələrdən asılı olmayaraq, millinin 4-cü səbətə yüksəlməsi və ya 6-cı səbətdə yer alması mümkün deyil.

DÇ-2022-nin püşkatma mərasimi dekabrın 7-də keçiriləcək.