Avropa çempionatı: Azərbaycanın 2 güləşçisi yarımfinalda

Bolqarıstanın Plovdiv şəhərində 23 yaşadək güləşçilərin Avropa çempionatı davam edir.

Komanda.az xəbər verir ki, yarışın 4-cü günündə Azərbaycanın üç qadın güləşçisi mübarizəyə qoşulub.

Gültəkin Şirinova (53 kq) 1/4 finalda fransalı Çadya Ayaçiyə qalib gəlib – 12:7. O, yarımfinalda almaniyalı Anastasiya Blayvasla qarşılaşacaq.

Jalə Əliyeva (62 kq) 1/4 finalda Fransanın digər təmsilçisi Amelin Duarreni “tuşe” ilə məğlub edib. Əliyeva yarımfinalda polşalı Paulina Malqorzata Danişlə üz-üzə gələcək.

Birgül Soltanova (65 kq) 1/4 finalda estoniyalı Viktoriya Vessoyla görüşdə minimal fərqlə uduzub – 7:8.

Yarımfinal qarşılaşmaları Bakı vaxtı ilə saat 18:45-də başlayacaq.