“Atletiko” ilə matçda hamı gördü ki…” – Xavi

İspaniya çempionatının 30-cu turunun “Atletiko” ilə oyunundan (1:0) sonra “Barselona”nın baş məşqçisi Xavi komandasının tez-tez minimal hesablı qələbə qazanmasından danışıb.

Komanda.az İspaniya mətbuatına istinadən xəbər verir ki, Xavi bu vəziyyətdən narahat olmadığını bildirib:

“Bu, çox yaxşı nəticədir. Əksər matçlarda 1:0 hesabı ilə qalib gəlməyimiz haqda düşunmürəm. Mən bununla çox maraqlanmıram.

Biz üstün vəziyyətdəyik. “Atletiko” ilə matçda hamı gördü ki, biz daha çox qol vura bilərdik. Mən belə bir vəziyyətdən narahat deyiləm. 30 oyunda cəmi 9 qol buraxmağımız o deməkdir ki, çox yaxşı müdafiə olunuruq. Ancaq bu, təkcə bizim uğurumuz deyil, həm də rəqiblərin uğursuzluğudur”.