“Barselona” Obameyanqla anlaşdı

“Arsenal”ın futbolçusu Pyer-Emerik Obameyanq karyerasını İspaniyada davam etdirəcək.

Komanda.az xəbər verir ki, qabonlu hücumçu “Barselona” ilə razılaşıb. Bu barədə “Mundo Deportivo” nəşri məlumat yayıb. Kataloniya təmsilçisi bu gün Obameyanqla rəsmi müqavilə imzalayacaq. Razılaşmanın müddəti hələ məlum deyil.

Obameyanq mövsümün sonuna qədər “Barselona”da həftəlik 5 min avro qazanacaq. Yeni mövsüm üçün məvacibi isə sonradan klubun vəziyyətinə görə müəyyənləşdiriləcək.