Arteta Obameyanqı cəzalandırıb

“Arsenal”ın baş məşqçisi Mikel Arteta qabonlu hücumçu Pyer-Emerik Obameyanqın Premyer Liqada “Sauthempton”a qarşı keçirilən oyunu buraxmasının səbəbini açıqlayıb.

Komanda.az xəbər verir ki, “Sky Sports” telekanalına danışan ispan mütəxəssis, Obameyanqın intizam qaydalarını pozduğu üçün cəzalandırıldığını deyib:

“Təəssüf ki, Obameyanq intizam qaydalarını pozub. Bəzi şeylər var ki, onları burda müzakirə etmək istəmirəm. Çətin vəziyyətdir, belə şeylərin kapitanımızın başına gəlməsini istəməzdik”.

“Arsenal” “Sauthempton”u 3:0 hesabıyla məğlub edib.