“Aris”lə matçdan əvvəl mətbuat konfransı və açıq məşq olacaq

Avropa Konfrans Liqasının 2-ci təsnifat mərhələsi çərçivəsində iyulun 28-də keçiriləcək “Neftçi” – “Aris” (Limassol) oyunu öncəsi paytaxt komandanın baş məşqçisi Laurentsiu Regekampf və kapitan Emin Mahmudovun iştirakı ilə mətbuat konfransı təşkil olunacaq.

Komanda.az xəbər verir ki, tədbir iyulun 27-də saat 18:30-dan etibarən 8-ci km stadionunda keçiriləcək.

Konfransdan sonra, saat 19:00-da isə komandanın media nümayəndələri üçün açıq məşqi (ilk 15 dəqiqəsi) baş tutacaq.

Eyni məkanda həmin gün saat 20:30-da “Aris”in baş məşqçisi Aleksey Şpilevski və kapitan Delmiro Naşimentunun iştirakı ilə mətbuat konfransı, 21:00-da isə komandanın açıq məşqi (ilk 15 dəqiqəsi) olacaq.

Hər iki komandanın mətbuat konfransı və açıq məşqinin “Neftçi TV” vasitəsilə canlı yayımlanması nəzərdə tutulub.

“Neftçi” – “Aris” matçına isə bir gün sonra saat 21:00-da start veriləcək. Bu komandalar arasındakı ilk oyunda “ağ-qaralar” 0:2 hesabı ilə məğlub olublar.