“Araz-Naxçıvan” “Kəpəz”lə matça 2 itki ilə hazırlaşır

“Araz-Naxçıvan”ın iki futbolçusu Gəncədə “Kəpəz”ə qarşı keçiriləcək Premyer Liqanın 5-ci turunun oyununda iştirak etməyə bilər.

Komanda.az kluba istinadən xəbər verir ki, 4-cü turda “Sumqayıt”la oyunun (1:1) birinci hissəsində zədələnən və qarşılaşmanı davam etdirə bilmədiyinə görə fasilədə əvəzlənən Mohammed Kadirinin, eləcə də məşqdə yüngül zədə alan Miço Kuzmanoviçin meydana çıxacağı sual altındadır.

Sözügedən oyunçular komanda ilə məşqdə iştirak etmirlər.

“Kəpəz” – “Araz-Naxçıvan” matçı sentyabrın 3-də, saat 17:00-da start götürəcək.