Ançelottidən jurnalistə: “Bunu soruşmaq üçün kifayət qədər cəsarətlisən”

“Real”ın baş məşqçisi Karlo Ançelotti PSJ-nin hücumçusu Kilian Mbappenin qış transfer pəncərəsində Madrid klubuna keçə biləcəyi ehtimalını şərh edib.

Komanda.az “RMC Sport”-a istinadən xəbər verir ki, italiyalı mütəxəssis, Mbappe barədə suala cavab vermək məcburiyyətində olmadığını deyib:

“Mbappe yanvarda “Real”a gələcəkmi? Bunu soruşmaq üçün kifayət qədər cəsarətlisən… Cavab vermək istəmirəm. Cavab vermək məcburiyyətində də deyiləm”.

Oktyabrın 11-də Mbappenin qış transfer pəncərəsində Paris komandasını tərk etmək istədiyi barədə məlumat yayılıb. Fransalı hücumçuya əsas iddialılar “Liverpul” və “Real”dır.

Daha əvvəl PSJ-nin Mbappe ilə 400 milyon avro qarşılığında ayrılmağa hazır olduğu bildirilirdi.

Bizi Telegramda izləyin