“Etiraf etməliyik ki, start hissəni uğurla keçdik”

“Liverpul”un baş məşqçisi Arne Slot İngiltərə Premyer Liqasının hazırkı mövsümündə çempionluq titulu uğrunda mübarizə haqqında fikirlərini bölüşüb.

Komanda.az Mersisayd klubunun mətbuat xidmətinə istinadən xəbər verir ki, niderlandlı çalışdırıcı vəziyyəti bu cür qiymətləndirmək istəmədiyini bildirib:

“Mən vəziyyəti bu cür qiymətləndirmək istəmirəm. Qarşıda bizi çətin həftə gözləyir. “Real” və “Mançester Siti”yə qarşı çətin idi, amma “Nyukasl”la oyun da asan olmayacaq. Üstəlik, mövsümün hələ ortasıdır. Ancaq etiraf etməliyik ki, start hissəni uğurla keçdik”.

“Liverpul” İngiltərə çempionatının 13 turundan sonra 1-ci pillədə qərarlaşıb. Slotun komandası 2-ci yerdə olan “Arsenal”ı 9 xal qabaqlayır.