Almaniyada ilin futbol adamı açıqlandı

Almaniyanın “Kicker” nəşri “Bavariya”nın baş məşqçisi Hans-Diter Fliki mükafatlandırıb.

Komanda.az xəbər verir ki, nəşrin sorğusu əsasında, 55 yaşlı mütəxəssis Almaniyada 2020-ci ilin futbol adamı seçilib.

Flik, “Bavariya” ilə 2020-ci ildə Bundesliqanı, Almaniya kubokunu, Almaniya superkubokunu, Çempionlar Liqasını və UEFA superkubokunu qazanıb.

Ötən il bu mükafata “Liverpul”un çalışdırıcısı Yurgen Klopp layiq görülmüşdü.