“Ronaldonun əzələlərini görəndə çox təsirlənmişdim”

Almaniyanın “Bayern” klubunun İdarə Heyətinin sədri Karl-Haynts Rummenigge “Mançester Yunayted”in futbolçusu Kriştiano Ronaldo haqda danışıb.

Komanda.az xarici mətbuata istinadən xəbər verir ki, Rummenigge, açıqlamasında portuqaliyalı hücumçunu tərifləyib:

“Ronaldo 36 yaşında olsa belə, qollarını sıralamağı bacarır. Fiziki durumu inanılmazdır. Bunu öz gözümlə görmüşəm. Ronaldo “Yuventus”da çıxış edərkən onunla paltardəyişmə otağında qarşılaşmışdım. Əzələlərini görəndə çox təsirlənmişdim. Sanki 22 yaşı var idi”.