“Alleqri yaxşı məşqçi deyil” – Keçmiş futbolçu

“Empoli”nin sabiq futbolçusu Daniele Adani İtaliya kubokunun yarımfinalının “İnter” – “Yuventus” (1:0, ilk oyun 1:1) matçından sonra komandaların baş məşqçiləri Simone İnzaqi ilə Massimiliano Alleqrini müqayisə edib.

Komanda.az “ITASportPress”-ə istinadən xəbər verir ki, o, “qoca sinyora”nın çalışdırıcısının yaxşı məşqçi olmadığını bildirib:

“Alleqri yaxşı məşqçi deyil. “İnter” 4:0 hesabı ilə qalib gələ bilərdi. Alleqri ilə müqayisədə İnzaqi Yohan Kroyffa bənzəyir”.

Xatırladaq ki, “İnter” İtaliya kubokunun finalında “Fiorentina” ilə qarşılaşacaq.