Akif Abdullayev Avropa birinciliyində körpücük üzərinə çıxdı

Yunanıstanın Saloniki şəhərində keçirilən 15 və 17 yaşlı yeniyetmələr arasında ağırlıqqaldırma üzrə Avropa birinciliyi davam edir.

Komanda.az xəbər verir ki, 38 ölkədən 415 (198 qız + 217 oğlan) idmançının iştirak etdiyi yarışa Azərbaycan yığması da qatılıb.

Bu gün onlardan daha biri – Akif Abdullayev körpücük üzərinə çıxıb. O, yaşı 17-yə qədər olan atletlər arasında 73 kq çəki dərəcəsində qüvvəsini sınayıb.

Atletimiz birdən qaldırma hərəkətində 116 kq-ı ram edib və bu hərəkətdə 6-cı olub.

Təkanla qaldırma hərəkətində isə Akifin 142 kq-a 3 yanaşmasının heç biri uğurlu olmayıb və o, yarışı nəticəsiz başa vurub.