AFFA-dan Səudiyyə Ərəbistanına dəstək

“AFFA Səudiyyə Ərəbistanının 2034-cü ildə keçiriləcək dünya çempionatını təşkil etmək təşəbbüsünü dəstəkləyir”.

Komanda.az xəbər verir ki, bu barədə AFFA-nın rəsmi saytında yaydığı bəyanatda qeyd olunub.

Sözügedən ölkə DÇ-2034-ə evsahibliyi etmək istəyir. AFFA da yaydığı bəyanatda onların namizədliyini dəstəklədiyini açıqlayıb:

“Səudiyyə Ərəbistanı son illərdə futbolda böyük uğurlar qazanıb, məşhur futbol ulduzlarının axın etdiyi yerli çempionat  hazırda dünyada ən çox diqqət mərkəzində olan liqalardan biridir. Dost ölkə olan Səudiyyə Ərəbistanının beynəlxalq yarışları təşkil etmək baxımından böyük təcrübəsi var. Bu ölkənin milli komandası Qətərdə keçirilən son dünya çempionatında da azarkeşlərin rəğbətini qazanacaq oyun göstərdi. Əminik ki, Səudiyyə Ərəbistanı bu çətin, məsuliyyətli işin öhdəsindən uğurla gələcək”.