A Seriyasında məşqlərin başlayacağı tarix məlum oldu

Koronavirus pandemiyası səbəbiylə dayandırılan İtaliya A Seriyası klublarının məşqlərə başlayacağı vaxt məlum olub.

Komanda.az “La Repubblica”ya istinadən xəbər verir ki, ölkənin baş naziri Cüzeppe Konte mayın 4-dən karantin rejiminin şərtlərinin yumşaldılacağını bildirib. Sözügedən tarixdən etibarən futbolçular fərdi məşqlərə başlaya biləcəklər. Mayın 18-dən isə komanda məşqlərinə icazə veriləcək.

Bundan başqa, 2021-ci ilin yanvarınadək oyunlar azarkeşsiz keçiriləcək.