“Bu məğlubiyyətdən dərs çıxarmalıyıq” – “Barselona”nın məşqçisi

“Barselona”nın məşqçilər heyətinin üzvü Markus Sorq İspaniya çempionatının 17-ci turunun matçında “Leqanes”ə məğlubiyyətdən (0:1) sonra danışıb.

Komanda.az “Marca”-ya istinadən xəbər verir ki, almaniyalı mütəxəssis belə bir məğlubiyyəti qəbul etməyin çox çətin olduğunu bildirib:

“Bu, komandamızın keçirdiyi ən yaxşı oyun deyildi. Düzgün konsentrasiyamız yox idi. Belə bir məğlubiyyəti qəbul etmək çox çətindir. Sürətli topu əldən verdik, amma sonra çoxlu şanslarımız oldu, yenə də alınmadı. Bu məğlubiyyətdən dərs çıxarmalıyıq”.

“Barselona” hazırda 38 xalla İspaniya çempionatının turnir cədvəlinə başçılıq edir. Komanda növbəti oyunda “Atletiko” ilə qarşılaşacaq.