“Barselona” son 5 ildə futbolçulara çox pul xərclədi, amma…” – Ronaldo

“Yuventus”un futbolçusu Kriştiano Ronaldo UEFA Çempionlar Liqası ilə bağlı açıqlama verib.

Komanda.az İtaliya mətbuatına istinadən xəbər verir ki, “qoca sinyora”nın növbəti mövsüm üçün turnirdəki şanslarını dəyərləndirən hücumçu, bunları deyib:

“Bu il “Yuventus”un ili ola bilərmi? Hər il “Yuventus”un, “Barselona”nın və ya “Real”ın ili ola bilər, amma Çempionlar Liqasını sadəcə bir komanda qazanır. Məsələn, “Barselona” son 5 ildə futbolçulara çox pul xərclədi, amma Çempionlar Liqasını qazana bilmədi. Pul belə məsələləri həll etmir.

“Yuventus” çox inkişaf edib. Hər zaman olduğu kimi, yenə də bu turnirdə qalib gəlmək üçün mübarizə aparacağıq. Amma bu, bir çox amillərdən asılıdır, pley-off-dakı cütlüklərdən, qrupların tərkibindən, zədələrdən, şansdan və s. Ancaq hər zaman dediyim kimi, biz Çempionlar Liqası üçün həyəcanlanmırıq. “Yuventus” bunu qazanacaq, bu il olmasa da, yaxın bir-iki ildə. Bu, bizim çalışmağımızdan, işə münasibətimizdən də aydın olur. “Yuventus” Çempionlar Liqasını qazanmaq üçün hər şeyə sahibdir”.