“Qarabağ”ın sabiq futbolçusu İspaniya klubuna keçib

“Qarabağ”ın keçmiş yarımmüdafiəçisi Qaspar Panaderonun yeni klubu bəlli olub.

Komanda.az İspaniya klubunun mətbuat xidmətinə istinadən xəbər verir ki, 26 yaşlı futbolçu “Linares”ə keçib. 1-ci divizion təmsilçisi Qasparla mövsümün sonuna kimi nəzərdə tutulan müqavilə imzalayıb.

Panadero 2021-ci ilin yayında “Kadis”dən “Qarabağ”a keçib. O, Ağdam klubunda cəmi 4 oyunda iştirak edib. İspaniyalı yarımmüdafiəçi ötən ilin sentyabrında klubla yollarını ayırıb.