“Premyer Liqadan məni transfer etmək istəyən klublar var”

“Yuventus”un müdafiəçisi Qleyson Bremer gələcək karyerası ilə bağlı danışıb.

Komanda.az xarici KİV-ə istinadən xəbər verir ki, braziliyalı futbolçu, İngiltərə təmsilçilərinin onu transfer etmək istədiklərini bildirib:

“Bəli, Premyer Liqadan məni transfer etmək istəyən klublar var. Gözləməyə davam edə bilərlər. Çünki “Yuventus”da qalmaq istəyirəm”.

Öncədən “Tottenhem” və “Atletiko”nun futbolçu ilə maraqlandığı deyilirdi.

Bremer 2022-ci ilin iyulundan “qoca sinyora”da forma geyinir. O, 2022/23 mövsümündə bütün turnirlər daxil olmaqla 43 oyuna çıxıb, beş qol vurub və bir məhsuldar ötürmə edib.