“Qəbələ”dən bərpaedici məşq

“Qəbələ” 2018/19 mövsümünün ikinci yarısına hazırlığını davam etdirir.

Komanda.az xəbər verir ki, “qırmızı-qaralar” Türkiyənin Antalya şəhərində təşkil olunan təlim-məşq toplanışının 9-cu gününü başa vurub.

Komanda günü bir məşqlə yekunlaşdırıb. Hazırlıq prosesi günün ilk yarısına təsadüf edib. Yanvarın 20-də Rusiyanın “Yenisey” klubu ilə yoxlama oyunu (2:2) keçirən “qırmızı-qaralar” bu gün bərpaedici məşqlə kifayətləniblər.