“Qarabağ” Serbiya klubuna qalib gəldi

“Qarabağ” Türkiyədəki təlim-məşq toplanışı çərçivəsində bu gün növbəti yoxlama matçına çıxıb.

Komanda.az xəbər verir ki, Ağam təmsilçisi Serbiya klubu “Çukariçki” ilə üz-üzə gəlib.

Qurban Qurbanovun çalışdırdığı kollektiv bu oyunda rəqibinə 1:0 hesabıyla qalib gəlib. Yeganə qola 42-ci dəqiqədə kolumbiyalı futbolçu Kevin Medina imza atıb.

“Qarabağ” bu gün daha bir oyunda qüvvəsini sınayacaq. Ağdam təmsilçisi Bakı vaxtı ilə saat 18:30-da başlayacaq görüşdə Polşa təmsilçisi “Poqon”la üz-üzə gələcək. Bununla da ağdamlıların Antalya toplanışı başa çatacaq.

Xatırladaq ki, “Qarabağ” Türkiyədəki ilk yoxlama görüşündə “Rakuv”a (Polşa) 0:3 hesabı ilə uduzmuşdu.