Ançelotti 100-ə çatdı

“Real” UEFA Çempionlar Liqasında növbəti qələbəsini qazanıb.

Komanda.az xəbər verir ki, “kral klubu” 2-ci turda “Leyptsiq”ə iki cavabsız qolla qalib gəlib.

Bu, Karlo Ançelottinin baş məşqçi kimi Çempionlar Liqasında 100-cü qələbəsi olub. İtaliyalı məşqçi bu göstəricidə turnirin ikincisidir. Yalnız Aleks Ferqyuson daha çox – 102 dəfə komandasının qalibiyyətinə sevinib.

“Real” cari mövsümdə bütün turnirlər nəzərə alınmaqla 8-ci qələbəsini qazanıb. Bu, klub tarixində 3-cü belə startdır. 1961/62 və 1968/69 mövsümlərində də “Real” belə seriyaya imza atıb.

“Real” ÇL-in növbəti turunda “Şaxtyor”la (Donetsk) qarşılaşacaq.

Bizi Telegramda izləyin