ÇL: “Real”ın favorit sayılmamasına təəccüblənmirəm” – Ançelotti

“Real”ın baş məşqçisi Karlo Ançelotti Madrid klubunun bu mövsüm Çempionlar Liqasının favoriti sayılmamasına münasibət bildirib.

Komanda.az xəbər verir ki, 63 yaşlı italiyalı mütəxəssis, bunun yaxşı əlamət olduğunu deyib:

“Real”ın Çempionlar Liqasının favoriti sayılmamasına təəccüblənmirəm. Mən bunu yaxşı əlamət kimi görürəm. Ötən mövsüm bizə qalib gəlmək üçün daha az şans verildi. Amma bu il biz daha güclü olduq. Düşünürəm ki, bu püşkatmada hər şey ötən dəfəki kimi olacaq – sona qədər mübarizə aparacağıq”.

Bu gün “Real” Çempionlar Liqasının 1-ci turunun matçında “Seltik”lə qarşılaşacaq. Oyun Qlazqodakı “Seltik Park”da baş tutacaq. Madrid klubu ötən mövsüm finalda “Liverpul”u 1:0 hesabı ilə məğlub edərək, Çempionlar Liqasının qalibi olub.

Bizi Telegramda izləyin