Ronaldoya görə “Çelsi” ilə əlaqə saxladı – Agenti

“Mançester Yunayted”in hücumçusu Kriştiano Ronaldonun agenti Jorje Mendeş yay transfer pəncərəsinin bağlanması ərəfəsində “Çelsi” ilə əlaqə saxlayıb.

Komanda.az “The İndependent”-ə istinadən xəbər verir ki, 37 yaşlı futbolçunun agenti onu Çempionlar Liqasında çıxış edən kluba cəlb etməyə çalışarkən, “zadəganlar”ın mövqeyini öyrənməyə çalışıb.

Xatırladaq ki, Ronaldo yay transfer dövrünün əvvəlində “Çelsi”yə təklif edilsə də, komandanın baş məşqçisi Tomas Tuxel onunla müqavilədə maraqlı olmayıb.

Avqustun 28-də Ronaldonun icarə əsasında “Napoli”yə keçməyə hazır olduğu bildirilib.

Ronaldonun MY ilə müqaviləsi 30 iyun 2023-cü ilə qədərdir.

Bizi Telegramda izləyin