Ronaldo qayıtdı

Portuqaliyalı futbolçu Kriştiano Ronaldo Mançesterə qayıdıb.

Komanda.az “The Athletic”-ə istinadən xəbər verir ki, futbolçu tezliklə “Mançester Yunayted”lə gələcəyini müzakirə edəcək. O, komandanın baş məşqçisi Erik ten Haqla da danışacaq.

Daha əvvəl “Daily Mail” xəbər vermişdi ki, “Mançester Yunayted”in hücumçusu “Atletiko”ya keçməyə hazırdır. Madrid klubunun 37 yaşlı portuqaliyalını transfer etmək üçün hücumçusu Antuan Qrizmannla əməkdaşlığa son qoymağa hazır olduğu da bildirilir.

Ronaldo 2021-ci ilin avqustunda “Mançester Yunayted”ə qayıdıb. O, ötən mövsüm “qırmızı şeytanlar”ın heyətində bütün turnirlərdə 37 oyuna çıxıb, 24 qol vurub və 3 məhsuldar ötürmə verib. Onun İngiltərə klubu ilə müqaviləsi 2023-cü ilə qədərdir.

Bizi Telegramda izləyin