Rusiyalı qapıçı Azərbaycan klubuna keçdi – rəsmi

“Araz-Naxçıvan” futzal klubu heyətini yeni qapıçı ilə gücləndirib.

Komanda.az futzal federasiyasının rəsmi saytına istinadən xəbər verir ki, Joze Alesio Da Silvanın baş məşqçisi olduğu “Araz-Naxçıvan” Dmitri Bondarevlə anlaşıb.

Rusiyalı qolkiper yeni komandasında cari mövsümün sonunadək çıxış edəcək. 29 yaşlı qapıçı son olaraq Rusiyanın Yüksək Liqasında iştirak etmiş “Spartak-Donetsk” klubunda oynayıb. Rostov təmsilçisi çempionatda çıxışı dayandırdığına görə, klubun bütün oyunçularına azad agent statusu verilib. Qapıçı “Baku Fire” ilə oyunda debüt edəcək.

“Araz-Naxçıvan”ın əsas qapıçısı Rövşən Hüseynli ötən ay Rusiya Super Liqasında iştirak edən “Torpedo” klubuna transfer olunub.