“Mançester Yunayted” Ronaldoya 1 milyon avro ödəməli olacaq

“Mançester Yunayted”in hücumçusu Kriştiano Ronaldo Premyer Liqanın 33-cü turunda “Norviç”lə matçda (3:1) etdiyi het-trikdən sonra təxminən 1 milyon avro mükafat alacaq.

Komanda.az “The Sun”-a istinadən xəbər verir ki, portuqaliyalı futbolçu mövsümdə 21 qol vurduqdan sonra müqaviləsindəki bonus maddəsi aktivləşib. Onun müqaviləsində 20 qola görə 905 min avro və het-trikə görə daha 120 min avro mükafat nəzərdə tutulub.

Bu mövsüm Ronaldo hər növbəti qola görə 120 min avro alacaq.

Ronaldo karyerasında 60-cı dəfə bir matçda üç və daha çox qol vurub. Onlardan 50-si klub karyerasında, 10-u isə Portuqaliya millisində gerçəkləşib.

Ronaldo İngiltərə Premyer Liqasında cari mövsümdə 15-ci qolunu vurub.