Ronaldo debütünü şərh etdi

“Mançester Yunayted”lə ilk matçında dubl edən Kriştiano Ronaldo açıqlama verib.

Komanda.az xəbər verir ki, Premyer Liqanın 4-cü turunda “Nyukasl”ı məğlub etdikləri oyunda (4:1) iki qol vuran portuqaliyalı hücumçu, bunları deyib:

“Old Trafford”a qayıdışım bu stadionun nə üçün “arzuların teatrı” olduğunu xatırlatdı. Mənim üçün bura arzuladığın şeyə çata biləcəyin sehrli yerdir.

“Mançester Yunayted”ə qayıtdığım, Premyer Liqada yenidən oynadığım üçün çox qürurluyam. Buna baxmayaraq, yenə də hər şeydən vacib olan komandamın qələbə qazanmasıdır”.