2-ci Liqanın bombardiri təltif edildi

Futbol üzrə Azərbaycan 2-ci Liqasında 26-cı turun “Şəfa” – “Baku Sportinq” (0:4) görüşünün ardınca keçirilən mükafatlandırma mərasimində turnirin bombardirinə xüsusi hədiyyə təqdim olunub.

Komanda.az xəbər verir ki, “Şahdağ Qusar”ın hücumçusu Tural Qurbatov 32 qolla 2-ci Liqada 2023/2024-cü illər mövsümünün ən sərrast futbolçusu seçilib.

Ona mükafatı Peşəkar Futbol Liqasının prezidenti vəzifəsini müvəqqəti icra edən Elgiz Abbasov və prezidentin idman işləri üzrə müşaviri Məlik Həsənov təqdim ediblər.