Ərəblərdən Mbappe üçün 300 milyon avroluq təklif!

Səudiyyə Ərəbistanının “Əl-Hilal” klubu PSJ-nin hücumçusu Kilian Mbappeni transfer etmək üçün danışıqlara başlayıb.

Komanda.az xarici KİV-ə istinadən xəbər verir ki, ərəblər 24 yaşlı fransalı futbolçunun özü ilə əlaqə saxlamayıblar, sadəcə, danışıqlara 300 milyon avrodan başlayacaqlarını PSJ rəhbərliyinə bildiriblər.

Xatırladaq ki, Paris klubunun sahibi Nasser Əl-Xələfi Mbappenin bu yay “Real”ın deyil, başqa klubların təkliflərini nəzərdən keçirməsini istəyir.

24 yaşlı forvard bu mövsüm PSJ-nin heyətində 34 Liqa 1 matçına çıxıb, 29 qol vurub və 5 məhsuldar ötürmə edib.