AÇ: İmranov ilk görüşündə qələbə qazandı

Azərbaycanlı cüdoçu Nizami İmranov Çexiyanın paytaxtı Praqada keçirilən gənclərin Avropa çempionatında qələbə qazanıb.

Komanda.az xəbər verir ki, 60 kq çəki dərəcəsində çıxış edən idmançı 1/16 final mərhələsində Rikardu Pireslə (Portuqaliya) üz-üzə gəlib.

Qızıl xal bölümündə rəqibinə vazari xalı ilə qalib gələn İmranov, 1/8 finala yüksəlib. O, növbəti raundda Tornike Maziaşvili (Gürcüstan) ilə görüşəcək.

Qadınların yarışında 57 kq-dakı Səbinə Əliyeva 1/16 finalda Nino Tsiklauriyə (Gürcüstan) uduzub.

Bu gün 60 kq-dakı Turan Bayramov və 8 kq-dakı Könül Əliyeva da mübarizəyə başlayacaq.