“Əmin olun ki, oyun üslubumuz dəyişəcək” – Ten Haq

“Mançester Yunayted”in baş məşqçisi Erik ten Haq klubun yeni transferi Andre Onana haqda fikirlərini bildirib.

Komanda.az “Goal”-a istinadən xəbər verir ki, o, hansı səbəbdən Onananı transfer etdiklərini dilə gətirib:

“Andre əla qapıçıdır, fərqli oyun tərzi var. Bu səbəbdən, onu heyətimizə qatmaq istəyirdik. Əmin olun ki, oyun üslubumuz dəyişəcək”.

Kamerunlu qolkiper yay transfer pəncərəsində “İnter”dən “qırmızı şeytanlar”a keçib. Onun keçidi Mançester təmsilçisinə 55 milyon avroya başa gəlib.