Əliyar Ağayevə AÇ-də növbəti təyinat

Azərbaycanın FIFA referisi Əliyar Ağayev 21 yaşadək futbolçulardan ibarət milli komandalar arasında keçirilən Avropa çempionatında növbəti oyuna təyinat alıb.

Komanda.az xəbər verir ki, ədalət təmsilçisi C qrupunun ikinci turundakı Çexiya – Almaniya görüşündə dördüncü hakim funksiyasını yerinə yetirəcək.

Matçı norveçli Espen Eskas idarə edəcək. Ona həmyerliləri Yan Erik Enqan və İsak Elias Başevkin kömək edəcəklər.

İyulun 25-də Gürcüstandakı “Batumi Arena”da keçiriləcək qarşılaşma Bakı vaxtı ilə saat 20:00-da başlayacaq.

Qitə çempionatı Gürcüstan və Rumıniyada təşkil olunur. Ağayev daha öncə A qrupundakı Belçika – Niderland (0:0) matçının baş hakimi olub.