Əli Şirinov oynamadı, komandası uduzdu

Futbol üzrə Latviya çempionatında 24-cü turun oyunları keçirilib.

Komanda.az xəbər verir ki, azərbaycanlı futbolçu Əli Şirinovun formasını geyindiyi “Dauqavpils” də növbəti matçına çıxıb.

Sözügedən kollektiv doğma meydanda RFS ilə üz-üzə gəlib. Futbolçumuzun komandası bu oyundan məğlubiyyətlə ayrılıb – 0:1.

Əli bu matçın iştirakçısı olmayıb. O, sonadək ehtiyatda qalıb.

“Dauqavpils” hazırda 21 xalla 9 komanda arasında 8-ci pillədə qərarlaşıb.