“Reşford, əlasan!”

İngiltərə millisinin yarımmüdafiəçisi Çud Bellingem DÇ-2022-nin qrup mərhələsinin üçüncü turunun Uelslə matçı (3:0) barədə fikir bildirib.

Komanda.az BBC-yə istinadən xəbər verir ki, o, komanda yoldaşı Markus Reşfordun cərimə zərbəsi haqda danışıb:

“Belə bir oyunda cərimə zərbəsindən qol vurmaq möhtəşəmdir. Reşford, əlasan!”

İngiltərə millisi bu qələbədən sonra qrupda xallarının sayın 7-yə çatdırıb. Bununla da, onlar turnirin pley-off mərhələsinə vəsiqə qazanıblar. 1/8 finalda rəqib Seneqal millisi olacaq.