Ziyex İngiltərəni İtaliyaya dəyişir

“Çelsi”nin mərakeşli yarımmüdafiəçisi Hakim Ziyex icarə əsasında “Milan”a keçə bilər.

Komanda.az İtaliya mətbuatına istinadən xəbər verir ki, Ziyex “Çelsi”nin baş məşqçisi Tomas Tuxelin növbəti mövsüm üçün planlarına daxil edilməyib. İtaliyanın son çempionu 29 yaşlı futbolçunu almaq şərti ilə icarəyə götürmək istəyir.

Ziyex ötən mövsüm “Çelsi”nin heyətində bütün turnirlərdə 44 oyuna çıxıb, 8 qol vurub və 5 məhsuldar ötürmə edib.

Bizi Telegramda izləyin