“Zirə”nin azərbaycanlı futbolçusuna Bolqarıstandan təklif var

İcarə əsasında “Şamaxı”da çıxış edən “Zirə”nin futbolçusu Cəlal Hüseynov Bolqarıstan klubu “Arda”ya təklif olunub.

Komanda.az-ın əldə etdiyi məlumata görə, futbolçunun özü də klubunu dəyişməyə razıdır. Hazırda müdafiəçinin qəsəbə təmsilçisi ilə 1 illik sözləşməsi qalıb.

Hüseynov cari mövsümdə Premyer Liqa klubunun heyətində bütün turnirlər daxil olmaqla 34 oyuna çıxıb və bir məhsuldar ötürmə edib.