“Zirə” – “Omoniya” matçının biletləri satışa çıxarıldı

UEFA Konfrans Liqasının pley-off mərhələsində keçiriləcək “Zirə” – “Omoniya” (Kipr) oyununun biletləri bu gün saat 13:00-dan etibarən satışa çıxarılıb.

Komanda.az xəbər verir ki, biletlərin qiyməti sektorlara əsasən müvafiq olaraq 2, 5, 10, və 20 manat təşkil edir.

Satış məntəqələri:

“Zirə İdman Kompleksi”

“Dalğa Arena”

“Zirə” – “Omoniya” qarşılaşması 29 avqustda, saat 20:00-da “Dalğa Arena”da keçiriləcək. “Zirə” səfərdəki ilk oyunda 0:6 hesabı ilə uduzub.