“Zirkzenin “Mançester Yunayted”ə getməsi səhv idi”

Niderland millisinin sabiq oyunçusu Rud Qullit hücumçu Coşua Zirkzenin İtaliya liqasını tərk edərək İngiltərə Premyer Liqasına keçməklə səhv etdiyinə inanır.

Komanda.az xarici KİV-ə istinadən xəbər verir ki, o, bunu deyib:

“Düşünürəm ki, Zirkze İtaliyada qalmalı idi. O, “Bolonya”da əla oynayırdı və mən onu “Milan”da görməyə ümid edirdim. Düşünürəm ki, “Mançester Yunayted”ə getmək səhv idi”.

24 yaşlı futbolçu 2024-cü ilin yayında 42,50 milyon avroya “Bolonya”dan “Mançester Yunayted”ə keçib.