“Zirə”nin təhlükəli rəqib olduğunu demək olar” – “Osiyek”in baş məşqçisi

“Osiyek”in (Xorvatiya) baş məşqçisi Federiko Koppitelli UEFA Konfrans Liqasının 3-cü təsnifat mərhələsində qarşılaşacaqları “Zirə”ylə oyundan öncə Xorvatiya mətbuatına açıqlama verib.

Komanda.az xəbər verir ki, Koppitelli “Zirə”nin təhlükəli komanda olduğunu deyib:

“Zirə” Avropa Liqasında çıxış edən komandalar səviyyəsindədir. Moldovanın “Şerif” komandasına penaltilər seriyasında məğlub oldular. “Zirə”nin təhlükəli rəqib olduğunu demək olar. Görüşə yüksək səviyyədə hazırlaşmışıq. Pley-offa vəsiqə qazanmaq istəyirik”.

Avqustun 8-də keçiriləcək “Osiyek” – “Zirə” matçı saat 22:00-da start götürəcək. Cavab görüşü bir həftə sonra Bakıda olacaq.