“Zirə”dən ayrılan futbolçu Argentina klubunda

“Zirə”nin sabiq futbolçusu Fakundo Melivilonun yeni klubu məlum olub.

Komanda.az xəbər verir ki, 30 yaşlı hücumçu Argentinanın “Atletiko Qemes” klubuna keçib. Fakundo ilə müqavilə 2022-ci ilin dekabrına qədər nəzərdə tutulub.

Fakundo 2021-ci ilin martından iyuluna qədər “Zirə”də çıxış edib. O, Bakı klubu ilə Azərbaycan Premyer Liqasında 4 oyunda 2 qol vurub.

Argentinalı hücumçu “Zirə”dən ayrıldıqdan sonra klubsuz idi.