“Zirə”nin hücumçusu Gürcüstan yığmasında debüt etdi

“Zirə”nin hücumçusu Davit Volkov Gürcüstan millisinin heyətində debüt edib.

Komanda.az xəbər verir ki, 26 yaşlı hücumçu DÇ-2022-nin seçmə mərhələsi çərçivəsində Tiflisdə İsveç yığmasına qarşı keçirilən oyunda meydana çıxıb. Volkov bu matçın 70-ci dəqiqəsində meydana buraxılıb.

Qarşılaşma Gürcüstan millisinin qələbəsi ilə yekunlaşıb – 2:0. Qolları Azərbaycan yığmasının sabiq futbolçusu Badri Kvaratsxeliyanın oğlu Xviça Kvaratsxeliya vurub. O, 61-ci və 77-ci dəqiqələrdə fərqlənməklə dubla imza atıb.

Davit Volkov hazırda 8 qolla Azərbaycan Premyer Liqasının bombardiridir.