“Zirə”nin hücumçusu 3 həftəlik sıradan çıxıb

“Zirə”nin gürcü hücumçusu Davit Volkov zədə səbəbindən üç həftə yaşıl meydanlardan kənarda qalacaq.

Komanda.az-a bu barədə klubun mətbuat xidmətindən məlumat verilib.

Volkov Premyer Liqanın 30-cu turunun “Neftçi” ilə oyununun (4:2) 64-cü dəqiqəsində rəqib futbolçu Ervin Koffi ilə toqquşaraq, sifətindən xəsarət alıb.

Zədədən sonra oyunu davam etdirə bilməyən gürcü legioner 66-cı dəqiqədə həmyerlisi Georgi Papunaşvili ilə əvəzlənib.